Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 555 Hüküm no: 693 Orijinal metin no: [92a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şirin v. Manil’in Kayıkçı Nikfos’a sattığı kayıkla alakalı Nikfos’un açtığı davanın kabul edilmediği Kayıkçı tâifesinden Nikfos v. Kabril nâm zimmî Davudpaşa Mahkemesi’nde meclis-i şer‘de Şirin v. Manil nâm zimmî muvâcehesinde merkūm Şirin zimmî târih-i i‘lâmdan bir sene mukaddem İslâmbol’da Langa Yenikapısı hâricinde merbût yedinde mâlı olan bir kayığını yirmi beş guruşa bana neseten bey‘ ve teslîm ben dahi iştirâ ve tesellüm ve kabûl eylediğimden sonra meblağ-ı mezbûr yirmi beş guruşun yedi guruşunu kendüye ba‘de’t-teslîm beynimizde olan bey‘-i mezkûru bi’t-terâzî ifâde ve meblağ-ı mezbûr yedi guruşu merkūm Şirin zimmî bana geri redd ü teslîm ben dahi ahz ü kabz etmiş idim. Lâkin merkūm Şirin zimmî zikr olunan kayığı otuz iki guruşa âhara bey‘ etmekle zikr olunan kayığın ziyâde semeni olan yedi guruşu merkūm Şirin zimmîden hâlâ taleb ederim deyü tesaddî eylediği da‘vâsına iltifât olunmadığı bi’l-iltimâs huzûr-ı âlîlerine i‘lâm olundu. Fî 7 Rebî‘ülâhir sene 1197