Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 561 Hüküm no: 708 Orijinal metin no: [93a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Mustafa’nın Enserci Artin’den aldığı çivilerin parasını ödemesi Enserci tâifesinden Artin v. Kiragos nâm zimmî Davudpaşa Mahkemesi’nde meclis-i şer‘de zâtı mu‘arrefe olan Âişe bt. Mustafa nâm hatun mahzarında mezbûre Âişe Hatun mukaddemâ yedimden iştirâ ve kabz eylediği vezn ve fiyâtı beynimizde ma‘lûm enser semeninden zimmetinde ba‘de’l-hesâb on guruş alacak hakkım olmağla hâlâ taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı mezbûr on guruşu müdde‘î-i merkūm Artin zimmîye edâ ve teslîme mezbûre Âişe Hatun’a tenbîh olunduğu bi’l-iltimâs huzûr-ı âlîlerine i‘lâm olundu. Fî-gurreti Cumâdelûlâ sene 1197