Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 562 Hüküm no: 709 Orijinal metin no: [93a-8] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrikçi Ali’nin dükkân kirasını, sahipleri olan Esma ve Rukiye adlı küçük kızların vasisine masrafı çıktıktan sonra ödediği İbrikçi tâifesinden el-Hâc Ali b. Hüseyin nâm kimesne Davudpaşa Mahkemesi’nde meclis-i şer‘de Esma ve Rukiye bintey İbrahim nâm sagīrelerin kıbel-i şer‘den bâ-hüccet-i şer‘iye vasîyy-i mansûbları Mehmed Ağa b. Ali nâm kimesne mahzarında merhûm Davudpaşa Vakfı müsakkafâtından olup sagīretân-ı mezbûretânın taht-ı tasarruflarında olan yine Davudpaşa mahallesinde kâin bir bâb vakıf ibrikçi dükkânında beher ellişer para ücret ile müstecirleri olmamla dükkân-ı mezkûr ücretinden bin yüz doksan altı senesi Şevvâli’l-mükerremi gurresinden târih-i i‘lâm senesi şehr-i Rebî‘ülâhırı gāyetine gelince yedi ayda zimmetimde terâküm eden sekiz guruş otuz paranın dört guruş o[n] beş parasını vasîyy-i mezbûrun emriyle zikr olunan eylediğim dört guruş on beş para mesârife takas ve mahsûb ve mâ‘adâ dört guruş on beş parayı dahi vasîyy-i mezbûra edâ ve teslîm eylediğimde ol dahi mukāssa ve tesellüm eyledikden sonra işbu târih-i i‘lâm günü bi’t-terâzî dükkân-ı mezkûrdan çıkıp vasîyy-i mezbûr Mehmed Ağa’ya teslîme ta‘ahhüd eyledim deyü eylediği takrîrini mezbûr Mehmed Ağa dahi tasdîk etmeğin ba‘de’t-tescîl bi’l-iltimâs huzûr-ı âlîlerine i‘lâm olundu. Fî-gurreti Ca sene 1197