Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 571 Hüküm no: 726 Orijinal metin no: [94b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Molla Ömer’in Mehmed b. Salih’e olan borcu ödemesi Sâhib-i arzuhâl Mehmed b. Salih nâm kimesne Davudpaşa Mahkemesi’nde meclis-i şer‘de derûn-ı arzuhâlde mezkûrü’l-ism Molla Ömer b. Mahmud nâm kimesne mahzarında mezbûr Molla Ömer mukaddemâ yedimden istikrâz ve kabz eylediği yetmiş dokuz guruş alacak hakkımın yirmi altı guruşunu yedinden ahz ü kabz ve elli üç guruşu zimmetinde bâkī kalmağla hâlâ taleb ederim deyü ba‘de’d-da‘vâ ve’l-istintâk ve’l-ikrâr mûcebince meblağ-ı bâkī-i mezbûr elli üç guruşu müdde‘î-i mezbûr Mehmed’e edâ ve teslîme mezbûr Molla Ömer’e tenbîh olunduğu bi’l-iltimâs huzûr-ı âlîlerine i‘lâm olundu. Fî 24 min-Ca sene 1197