Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 571 Hüküm no: 727 Orijinal metin no: [94b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mahmud Odabaşı’nın hanımı İsmihan’a olan borcunu ödemesi İslâmbol’da Ali Fakih mahallesinde sâkine ve zâtı mu‘arrefe olan İsmihan bt. Mustafa nâm hatun Davudpaşa Mahkemesi’nde meclis-i şer‘de hâlâ zevci Mahmud Odabaşı b. Murad nâm kimesne mahzarında bundan akdem mezbûr Mahmud Odabaşı zimmetinde cihet-i karzdan altmış dört guruş alacak hakkım olmağla hâlâ taleb ederim deyü ba‘de’d-da‘vâ ve’l-istintâk <> mezbûr Mahmud Odabaşı dahi cevâbında zevcesi müdde‘iye-i mezbûre İsmihan Hatun yedinden ancak yirmi iki guruş ahzını ikrâr ziyâde kırk iki guruşu inkâr etmeğin müdde‘iye-i mezbûre İsmihan Hatun ber-vech-i muharrer ziyâde müdde‘âsı olan kırk iki guruşu beyândan âcize ve talebiyle mezbûr Mahmud Odabaşı’ya yemîn teklif olundukda ol dahi yemînden nükûl etmeğin mûcebince meblağ-ı mezbûr altmış dört guruşu müdde‘iye-i mezbûre İsmihan Hatun’a edâ ve teslîme mezbûr Mahmud Odabaşı’ya tenbîh olunduğu bi’l-iltimâs huzûr-ı âlîlerine i‘lâm olundu. Fî 24 min-Ca sene 1197