Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 571 Hüküm no: 728 Orijinal metin no: [94b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abdulkadir b. Mehmed’in Ahmed b. Mehmed’e borcunu ödemesi Bâ‘isü’l-i‘lâm Ahmed b. Mehmed nâm kimesne Davudpaşa Mahkemesi’nde meclis-i şer‘de el-Hâc Abdulkadir b. Mehmed nâm kimesne mahzarında mezbûr el-Hâc Abdulkadir zimmetinde mukaddemâ cihet-i karzdan on guruş alacak hakkım olmağla hâlâ taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı mezbûr on guruşu müdde‘î-i mezbûr Ahmed’e edâ ve teslîme mezbûr el-Hâc Abdulkadir’e tenbîh olunduğu bi’l-iltimâs huzûr-ı âlîlerine i‘lâm olundu. Fî 25 min-Ca sene 1197