Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 573 Hüküm no: 733 Orijinal metin no: [95a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ömer b. Himmet’in vefat eden Emine Hatun’un defin işleri için harcadığı parayı Emine’ye borcu olan Osman Odabaşı’dan istemesinin meşru olmadığı İşbu bâ‘isü’l-i‘lâm Ömer b. Himmet nâm kimesne Davudpaşa Mahkemesi’nde meclis-i şer‘de Osman Odabaşı b. İbrahim nâm kimesne mahzarında mezbûr Osman Odabaşı zimmetinde bundan akdem fevt olan Emine nâm hatunun cihet-i karzdan yirmi guruş alacak hakkı olup meblağ-ı mezbûru kable’l-ahz ve’l-istifâ mezbûre Emine fevt ve mezbûrenin ben techîz ve tekfîn ve levâzım ve defni umûruna mâlımdan yirmi guruş sarf etmemle meblağ-ı mezbûr yirmi guruşu mezbûr Osman Odabaşı’dan hâlâ taleb ederim deyü tesaddî eylediği da‘vâsı takrîr-i meşrûhu üzere meşrû‘a olmayıp ve mezbûr Osman Odabaşı’ya şer‘an suâl dahi teveccüh eyle[me]diği bi’l-iltimâs huzûr-ı âlîlerine i‘lâm olundu. Fî 27 min-Ca sene 1197