Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 573 Hüküm no: 734 Orijinal metin no: [95a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kasbar v. Serkiz’in Bedros v. Avanes’e olan borcunu ödemesi Bâ‘isü’l-i‘lâm Bedros v. Avanes nâm zimmî Davudpaşa Mahkemesi’nde meclis-i şer‘de Kasbar v. Serkiz nâm zimmî muvâcehesinde bundan akdem merkūm Kasbar zimmînin bi-şarti’r-rücû‘ emriyle mâlımdan gāib ani’l-meclis Aci Ohannes nâm zimmîye yirmi beş guruş def‘ ve teslîm ol dahi yedimden ba‘de’l-ahz meblağ-ı mezbûr yirmi beş guruşu merkūm Kasbar zimmînin emr-i mezkûruna binâen hâlâ taleb ederim deyü ba‘de’d-da‘vâ ve’l-istintâk ve’l-ikrâr mûcebince meblağ-ı mezbûr yirmi beş guruşu müdde‘î-i merkūm Bedros zimmîye edâ ve teslîme merkūm Kasbar zimmîye tenbîh olunduğu bi’l-iltimâs huzûr-ı âlîlerine i‘lâm olundu. Fî 28 Ca sene 1197