Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 578 Hüküm no: 744 Orijinal metin no: [95b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed b. Mehmed’in evli iken hanımı Fatma’ya emanet verdiği altınların parasını kayınvalidesinin teslim ettiği Bâ‘isü’l-i‘lâm Hafız Ahmed b. Mehmed nâm kimesne Davudpaşa Mahkemesi’nde meclis-i şer‘de zevce-i mutallakası Fatıma bt. Mustafa nâm hatunun vâlidesi ve tarafından ber-vech-i âtî sâbitü’l-vekâle vekîli olup zâtı mu‘arrefe olan Emine Hatun bt. Mustafa mahzarında zevce-i mutallakam müvekkile-i mezbûre Fatıma Hatun’a mukaddemâ zevciyet beynimizde kāime iken mâlımdan otuz guruşluk ecnâs altınlarımı bi’l-emâne def‘ ü teslîm ve ol dahi yedimden ba‘de’l-ahz ve’l-kabz zikr olunan altınları umûruna sarfla istihlâk etmiş idi. El-hâletü hâzihî meblağ-ı mezbûr otuz guruşu zevce-i mutallakam müvekkile-i mezbûre Fatıma Hatun’un mâlından olmak üzere vâlidesi vekîl-i mezbûre Emine Hatun bana def‘ ve teslîm eyledikde ben dahi yedinden tamamen ahz ü kabz eyledim deyü eylediği takrîri ba‘de’t-tescîl bi’l-iltimâs huzûr-ı âlîlerine i‘lâm olundu. Fî 3 min-C sene 1197