Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 579 Hüküm no: 747 Orijinal metin no: [95b-8] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Ahmed b. Abdullah’ın aldığı bakkal emtiasına kefil olan Mehmed Efendi ile Bakkal Kademli arasındaki davaya sulh bedeli karşılığı son verildiği Bakkāl tâifesinden Kademli v. Manol nâm zimmî Davudpaşa Mahkemesi’nde meclis-i şer‘de Mehmed Efendi b. el-Hâc Mustafa mahzarında bundan akdem fevt olan Başçukadâr Ahmed b. Abdullah hayatında yedimden iştirâ ve kabz eylediği vezn ve fiyâtı beynimizde ma‘lûm bakkāl emti‘ası semeninden zimmetinde olan kırk sekiz guruş alacak hakkımın edâsına mezbûr Mehmed Efendi tarafeynden emr ve kabûlü hâvî kefâlet-i sahîha ile kefîl ve zâmin olmağla meblağ-ı mezbûr kırk sekiz guruşu mezbûr Mehmed Efendi’nin kefâletine binâen hâlâ taleb ederim deyü tesaddî eylediği da‘vâsından bâ-vesâtet-i muslihîn mezbûr Mehmed Efendi ile yirmi beş guruş bedel-i makbûza sulh olup ol dahi sulh-ı mezbûru kabûl eylediği ba‘de’t-tescîl bi’l-iltimâs huzûr-ı âlîlerine i‘lâm olundu. Fî 4 min-C sene 1197