Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 579 Hüküm no: 748 Orijinal metin no: [95b-9] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şirin bt. Abdullah’ın Servinaz bt. Abdullah’a emaneten verdiği eşyalarla alakalı davasını ispatlayamadığı Sâhibe-i arzuhâl zâtı mu‘arrefe Şirin bt. Abdullah nâm zenciye derûn-ı arzuhâlde mezkûretü’l-ism olup Dîvân-ı âlî çavuşlarından Mustafa Çavuş mübâşeretiyle Davudpaşa Mahkemesi’ne ihzâr etdirdiği kezâlik zâtı mu‘arrefe Servinaz bt. Abdullah nâm zenciye mahzarında mezbûre Servinaz’a mukaddemâ mâlımdan bi-tarîki’l-emâne vaz‘ ü teslîm ve ol dahi yedimden ahz ü kabz eylediği mecmû‘u otuz guruş kıymetli bir şali entari ve bir şali cübbe ve bir keremsûd hırkamı hâlâ taleb ederim deyü ba‘de’d-da‘vâ ve’l-istintâk ve’l-inkâr müdde‘iye-i mezbûre Şirin ber-vech-i muharrer müdde‘âsını beyândan âcize ve talebiyle mezbûre Servinaz ba‘de’t-tahlîfi’ş-şer‘î mûcebince müdde‘iye-i mezbûre Şirin eşyâ-i muharrere-i mezkûre mutâlebesiyle mezbûre Servinaz’a bilâ-beyyine bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 11 min-C sene 1197