Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 580 Hüküm no: 750 Orijinal metin no: [96a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatma bt. Ahmed’in evinde kiracısı olan Molla Hasan’dan alacağı kira parası konusunda sulh bedeli karşılığı anlaştığı İslâmbol’da Tarsus mahallesinde sâkine ve zâtı mu‘arrefe Fatıma bt. Ahmed nâm hatun Davudpaşa Mahkemesi’nde meclis-i şer‘de Molla Hasan b. Hasan nâm kimesne mahzarında mezbûr Molla Hasan mahalle-i mezbûrede vâki‘ taht-ı tasarrufumda olan bir bâb vakıf menzilimde beher şehr dörder guruş ücret tesmiyesiyle müstecirim olmağla menzil-i mezkûr icâresinden bin yüz doksan altı senesi Şevvâli’l-mükerreminin onuncu gününden işbu târih-i i‘lâm senesi Saferi’l-hayrının onuncu gününe gelince dört ayda mezbûr Molla Hasan zimmetinde terâküm eden on altı guruşu bana kable’l-edâ menzil-i mezkûrdan çıkıp âhar menzile nakletmekle meblağ-ı mezbûr on altı guruşu mezbûr Molla Hasan’dan hâlâ taleb ederim deyü tesaddî eylediği da‘vâsından bâ-vesâtet-i muslihîn mezbûr Molla Hasan ile on bir guruş bedel-i makbûza sulh olup mâ‘adâ beş guruşa müte‘allika âmme-i da‘vâdan mezbûr Molla Hasan ile zevcesi gāibe ani’l-meclis Fatıma bt. Mehmed Said nâm hatundan her birinin zimmetlerini ibrâ ve ıskāt eyledikde ol dahi sulh ve ibrâsını kabûl eylediği mübâşirleri es-Seyyid Osman Çavuş kulları iltimâsıyla huzûr-ı âlîlerine i‘lâm olundu. Fî 13 min-C sene 1197