Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 581 Hüküm no: 751 Orijinal metin no: [96a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali Çavuş Ağa’nın Ahmed Beşe’ye borcu Bâ‘isü’l-i‘lâm Ahmed Beşe b. Mehmed nâm kimesne Davudpaşa Mahkemesi’nde meclis-i şer‘de Ali Çavuş Ağa b. Abdullah nâm kimesne mahzarında mezbûr Ali Çavuş Ağa mukaddemâ yedimden istidâne ve kabz ve umûruna sarfla istihlâk eylediği cihet-i karzdan bâ-temessük zimmetinde seksen guruş alacak hakkım olmağla hâlâ taleb ederim deyü ba‘de’d-da‘vâ ve’l-istintâk ve’l-ikrâr alâ-mûcebi ikrârihî meblağ-ı mezbûr seksen guruşu müdde‘î-i mezbûr Ahmed Beşe’ye edâ ve teslîme mezbûr Ali Çavuş Ağa’ya tenbîh olunduğu bi’l-iltimâs huzûr-ı âlîlerine i‘lâm olundu. Fî 14 min-C sene 1197