Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 583 Hüküm no: 757 Orijinal metin no: [96b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ustoyan v. Hozi’nin İbrahim Ağa’ya borcu olduğu İşbu bâ‘isü’l-i‘lâm el-Hâc İbrahim Ağa b. Mahmud nâm kimesne Davudpaşa Mahkemesi’nde meclis-i şer‘de Ustoyan v. Hozi nâm zimmî muvâcehesinde müdde‘î-i mezbûr el-Hâc İbrahim Ağa’nın mesfûr Ustoyan zimmî zimmetinde mukaddemâ yedinden müstedân ve makbûz cihet-i karzdan ber-mantûk-ı temessük doksan guruşdan yetmiş guruş ve hâric ez-temessük üç guruş ki cem‘an yetmiş üç guruş alacak hakkı olduğu lede’l-mürâfa‘ati’ş-şer‘iye mesfûr Ustoyan zimmînin ikrârıyla sâbit olmağın mûcebince meblağ-ı mezbûr yetmiş üç guruşun edâsıyla mesfûr Ustoyan zimmî ilzâm olunduğu bi’l-iltimâs huzûr-ı âlîlerine i‘lâm olundu. Fî 18 min-C sene 1197