Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 592 Hüküm no: 774 Orijinal metin no: [97b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bekzad bt. Avan’ın aldığı borca karşılık bazı eşyalarını Meyrem bt. Artin’e rehin verdiğinden, Bekzad’ın borcunu ödemesi, Meyrem’in de eşyaları geri vermesi Şahsı mu‘arrefe Meyrem bt. Artin nâm Nasrâniye Davudpaşa Mahkemesi’nde meclis-i şer‘de kezâlik şahsı mu‘arrefe Bekzad bt. Avan nâm Nasrâniye muvâcehesinde mersûme Bekzad Nasrâniye mukaddemâ yedimden istikrâz ve kabz eylediği kırk beş guruş deyni mukābelesinde mâlından bir üstûfe cübbe ve bir kadife cübbe ve bir çiçekli entari ve bir bürüncük gömlek ve bir havlusunu bana rehin ve teslîm ben dahi yedinden ba‘de’l-ahz ve’l-kabz meblağ-ı mezbûr kırk beş guruşun dokuz buçuk guruşunu mersûme Bekzad Nasrâniyeye yedinden ahz ü kabz ve otuz beş buçuk guruşu zimmetinde bâkī kalmağla rehân-ı mezkûreyi yedimden ahz birle meblağ-ı bâkī-i mezbûr otuz beş buçuk guruşu bana edâya mersûme Bekzad Nasrâniyeye tenbîh olunmak murâdımdır deyü ba‘de’d-da‘vâ ve’l-istintâk ve’l-ikrâr alâ-mûcibi ikrârihâ meblağ-ı bâkī-i mezbûr otuz beş buçuk guruşu müdde‘iye-i mersûme Meyrem Nasrâniye edâ ve teslîme mersûme Bekzad Nasrâniyeye ve rihân-ı mezkûreyi mersûme Bekzad Nasrâniyeye geri red ve teslîme mersûme Meyrem Nasrâniyeden her birine tenbîh olunduğu bi’l-iltimâs huzûr-ı âlîlerine i‘lâm olundu. Fî 26 min-C sene 1197