Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 591 Hüküm no: 773 Orijinal metin no: [97b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kogas v. Haçok’un Kızanlık’ın Biçareli köyünden Arabacı Ahmed’e olan gülgen tahtası ücretini ödemesi Vilâyet-i Rumeli’nde Kızanlık kazâsına tâbi‘ Biçareli nâm karye ahâlisinden Arabacı Ahmed b. Osman nâm kimesne Davudpaşa Mahkemesi’nde meclis-i şer‘de Kogas v. Haçok nâm zimmî muvâcehesinde merkūm Kogas zimmî işbu târih-i i‘lâm günü yedimde ve mâlımdan iştirâ ve kabz beher adedi üçer paraya olmak üzere üç yüz on aded gülgen tahtası semeninden yirmi üç guruş on para alacak hakkım olmağla hâlâ taleb ederim deyü ba‘de’d-da‘vâ ve’l-istintâk merkūm Kogas zimmî dahi cevâbında zikr olunan tahtanın beher adedini ikişer paradan on beş buçuk guruşa iştirâsını ikrâr ziyâde birer paradan yedi guruş otuz parayı ba‘de’l-inkâr müdde‘î-i mezbûr Ahmed ber-vech-i muharrer müdde‘âsını şühûd-ı udûlden Ömer b. İbrahim ve Ali b. Veliyüddin nâm kimesneler şehâdetleriyle bi’l-muvâcehe vech-i şer‘î üzere isbât etmeğin mûcebince meblağ-ı mezbûr yirmi üç guruş on parayı müdde‘î-i mezbûr Ahmed’e edâ ve teslîme merkūm Kogas zimmîye tenbîh olunduğu bi’l-iltimâs huzûr-ı âlîlerine i‘lâm olundu. Fî 29 min-C sene 1197