Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 594 Hüküm no: 781 Orijinal metin no: [98a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Emin ile babası Musa’nın oturdukları evi, ev sahibinin ihtiyacı olması sebebiyle tahliyeleri Sâhibe-i arzuhâl Emine Hatun bt. İsmail Davudpaşa Mahkemesi’nde meclis-i şer‘de kendi nefsinden asîl ve derûn-ı arzuhâlde mezkûrü’l-ism babası Musa b. Mustafa tarafından vech-i âtî üzere sâbitü’l-vekâle vekîli Mehmed Emin mahzarında bundan akdem gāibe ani’l-meclis Zeyneb nâm hatundan bedel-i ma‘lûm mukābelesinde tefevvüz eylediğim yine derûn-ı arzuhâlde mezkûr mahmiye-i İslâmbol’da Uzun Yusuf mahallesinde vâki‘ bi’l-icâreteyn taht-ı tasarrufumda olan ma‘lûmü’l-hudûd ve’l-müştemilât bir bâb vakıf menzilimde mezbûr Mehmed Emin ile babası müvekkil-i mezbûr Musa müstecirler bulunup lâkin menzil-i mezkûrun bana lüzûmu olmağla tahliye ve bana teslîm eylemeleri içün ben bu esnâda taleb ve da‘vâ sadedinde olduğumda mezbûr Mehmed Emin ile babası müvekkil-i mezbûr Musa dahi târih-i i‘lâmdan dört güne değin menzil-i mezkûru tahliye ve bana teslîme ta‘ahhüd eylediler dediğini mezbûr Mehmed Emin bi’l-asâle ve bi’l-vekâle ba‘de’t-tasdîk mezbûr Mehmed Emin ber-vech-i muharrer târih-i i‘lâmdan dört güne değin menzil-i mezkûru tahliye ve sâhibesi müdde‘iye-i mezbûre Emine Hatun’a teslîme bi’l-asâle ve bi’l-vekâle meclis-i şer‘de dahi ta‘ahhüd eylediği mübâşirleri silahdâr ocağı çavuşlarından el-Hâc Süleyman iltimâsıyla huzûr-ı âlîlerine i‘lâm olundu. Fî 4 min-B sene 1197