Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 595 Hüküm no: 782 Orijinal metin no: [98a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hanife bt. Ali’yi boşayan Ahmed Beşe’nin hanımının haklarını tamamen vermiş olduğu İslâmbol’da Hobyar mahallesinde sâkine ve zâtı mu‘arrefe Hanife bt. el-Hâc Ali nâm hatun Davudpaşa Mahkemesi’nde meclis-i şer‘de zevc-i mutallıkı Ahmed Beşe b. Abdullah nâm kimesne mahzarında mezbûr Ahmed Beşe zevc-i dâhilim olduğu hâlde târih-i i‘lâmdan yirmi bir gün mukaddem beni tatlîk etmekle zimmetinde ma‘kūdun-aleyh olan yüz para mehr-i müeccelimi yedinden ahz ü kabz etmemle bakıye-i nafaka-i iddet-i mu‘ayyene ve meûnet-i süknâmı dahi zevc-i mutallıkım mezbûrdan hâlâ taleb ederim deyü da‘vâ etdikde ol dahi cevâbında fi’l-vâki‘ müdde‘iye-i mezbûre Hanife Hatun ber-vech-i muharrer yüz para mehr ile zevcesi ve târih-i mezbûrda tatlîkini ikrâr lâkin müdde‘iye-i mezbûre Hanife Hatun nafaka-i iddet-i mu‘ayyene ve meûnet-i süknâsından fâriğa ve hukūk-ı zevciyete müte‘allika âmme-i de‘âvîden zimmetimi ibrâ ve ıskāt ve ben dahi ibrâsını kabûl etmiş idim deyü eylediği def‘ini şühûd-ı udûlden es-Seyyid Ömer b. Ebîbekir ve Mustafa b. Bayram nâm kimesneler şehâdetleriyle bi’l-muvâcehe isbât etmeğin mûcebince müdde‘iye-i mezbûre Hanife Hatun da‘vâ-yı mezkûresiyle zevc-i mutallıkı mezbûr Ahmed Beşe’ye bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 5 min-B sene 1197