Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 596 Hüküm no: 784 Orijinal metin no: [98a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Canbaziye mahallesinden Ahmed b. Memiş adlı çocuğun Ağyazar v. Asvador’da alacağı konusunda sulh bedeli karşılığı anlaşma sağlandığı İslâmbol’da Koca Mustafa Paşa kurbünde Canbaziye mahallesinde sâkin Ahmed b. Memiş nâm sagīrin tesviye-i emrini rü’yete bâ-hüccet-i şer‘iye mansûbe vasîsi zâtı mu‘arrefe Hadice Usta bt. Halil Davudpaşa Mahkemesi’nde meclis-i şer‘de Ağyazar v. Asvador nâm zimmî muvâcehesinde merkūm Ağyazar zimmî zimmetinde mukaddemâ vasîsi olduğum sagīr-i mezbûrun mâlından olmak üzere gāib ani’l-meclis Mehmed nâm kimesne yedinden istikrâz ve kabz eylediği elli guruş alacak hakkı olmağla meblağ-ı mezbûr elli guruşu ben bi’l-vesâye merkūm Ağyazar zimmîden hâlâ taleb ederim deyü ba‘de’d-da‘vâ ve’l-istintâk [82a] ve’l-inkâr müdde‘iye-i mezbûre Hadice Usta ber-vech-i muharrer müdde‘âsını beyândan âcize ve merkūm Ağyazar zimmînin yemîn edeceği muhakkak olmağın sulh sagīr-i mezbûr hakkında evlâ olduğuna binâen beynlerine muslihûn tavassut edip müdde‘iye-i vasîyy-i mezbûre Hadice Usta da‘vâ-yı mezkûresinden merkūm Ağyazar zimmî ile an-inkâr otuz beş guruş bedel-i makbûza sulh olup ol dahi sulh-ı mezkûru kabûl eylediği bi’l-iltimâs huzûr-ı âlîlerine i‘lâm olundu. Fî 6 min-B sene 1197 [Son 4 kayıt 82a’ya ters olarak yazılmıştır ]