Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 595 Hüküm no: 783 Orijinal metin no: [98a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Razo v. Yorgi’nin duvarcılık ücretinden olan parayı Yorgi v. Ergir’e ödemesi Duvarcı tâifesinden Yorgi v. Ergir nâm zimmî Davudpaşa Mahkemesi’nde meclis-i şer‘de Razo v. Yorgi nâm zimmî muvâcehesinde merkūm Razo zimmî zimmetinde mukaddemâ duvarcılık ücretinden bâkī on buçuk guruş alacak hakkım olmağla hâlâ taleb ederim deyü ba‘de’d-da‘vâ ve’l-istintâk ve’l-inkâr müdde‘î-i merkūm Yorgi zimmî ber-vech-i muharrer müdde‘âsını beyândan âciz ve talebiyle merkūm Razo zimmîye yemîn teklif olundukda ol dahi yemînden nükûl etmeğin mûcebiyle meblağ-ı mezbûr on buçuk guruşu müdde‘î-i merkūm Yorgi zimmî edâ ve teslîme merkūm Razo zimmîye tenbîh olunduğu bi’l-iltimâs huzûr-ı âlîlerine i‘lâm olundu. Fî 8 min-B sene 1197