Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 597 Hüküm no: 787 Orijinal metin no: [82a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Üç yaşındaki Ali b. Abdullah’ın bostanda bulunan havuza düşerek vefat ettiği Sâdır olan fermân-ı âlîlerine imtisâlen derûn-ı arzuhâlde mezkûr zikri âtî bostanın havuzunda garîkan fevt olan takrîben üç yaşında Ali b. Abdullah nâm sagīrin keşfi içün Davudpaşa Mahkemesi’nden mürsel Hafız Numan Efendi dâ‘îleri asesbaşı ve subaşı ağa kulları ma‘rifetleriyle mahmiye-i İslâmbol’da Yali kurbünde Çerâğī Hasan mahallesinde vâki‘ kuru bostan demekle arîf bostana varıp hâzır olan cemâ‘at-i Müslimîn ile müteveffâ-yı sagīr-i mezbûrun a‘zâsına nazar eylediklerinde müteveffâ-yı sagīr-i mezbûrun a‘zâsında eser-i hank olmayıp târih-i i‘lâm günü bi-kazâillâhi te‘âlâ kendi sun‘uyla zikr olunan havuza düşüp garîkan fevt olunduğu mu‘âyene ve müşâhede ve defnine izin verdiğiniz mezbûr dâ‘îleri mahâllinde ketb ü tahrîr ve mâ‘an mürsel ümenâ-i şer‘le meclis-i şer‘a gelip alâ-vukū‘ıhî ve takrîr eylediği bi’l-iltimâs huzûr-ı âlîlerine i‘lâm olundu. Fî 12 min-B sene 1197 [82a’ya ters olarak yazılmıştır]