Davud Paşa Mahkemesi 1 Numaralı Sicil (H. 1196-1197 / M. 1782-1783) cilt: 79, sayfa: 597 Hüküm no: 788 Orijinal metin no: [82a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Halil b. Mustafa’nın Kasap Molla Ali’ye et ücretinden olan borcunu ödemesi Kasab tâifesinden Molla Ali b. İbrahim nâm kimesne Davudpaşa Mahkemesi’nde meclis-i şer‘de yine tâife-i mezbûreden Halil b. Mustafa nâm kimesne mahzarında mezbûr Halil zimmetinde mukaddemâ yedimden iştirâ ve kabz eylediği beher kıyyesi yedişer buçuk paraya olmak üzere altmış üç vakıyye lahm-ı ganem semeninden on bir buçuk guruş otuz iki para alacak hakkım olmağla hâlâ taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr Molla Ali ber-vech-i muharrer müdde‘âsını beyândan âciz ve talebiyle mezbûr Halil’e yemîn teklif olundukda ol dahi yemînden nükûl etmeğin mûcebince meblağ-ı mezbûr on bir guruş otuz iki parayı müdde‘î-i mezbûr Molla Ali’ye edâ ve teslîme mezbûr Halil’e tenbîh olunduğu bi’l-iltimâs huzûr-ı âlîlerine i‘lâm olundu. Fî 12 min-B sene 1197 Temmetü’s-sicillü’l-mahfûz [82a’ya ters olarak yazılmıştır]