Evkaf-ı Hümâyûn Müfettişliği 1 Numaralı Sicil (H. 1016-1035 / M. 1608-1626) cilt: 45, sayfa: 224 Hüküm no: 162 Orijinal metin no: [55a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Çelebi b. Mahmud’un Haremeyn Evkafı’na ait Fındıklı’daki evi ve mezraayı kiraladığı Mütevellî-i merkūm Hasan Bey meclis-i şer‘de işbu sâhibü’l-kitâb zahrü’l-a‘yân Mehmed Çelebi b. Mahmud nâm bevvâb-ı sultânî mahzarında ikrâr-ı tâm ve takrîr-i kelâm edip menzil-i merkūmu ve mezra‘a-i mezbûreyi târîh-i kitâb Şa‘bân’ı gurresinden yevmî ikişer akçe icâre-i müeccele ve iki bin akçe icâre-i mu‘accele ile müşârun-ileyh Mehmed Çelebi’ye tevliyet-i mahkiyyem hasebi ile îcâr ve teslîm eyledim ol dahi vech-i meşrûh üzere istîcâr ve kabûl eyledikden sonra icâre-i mu‘accelesi olan meblağ-ı mezbûr iki bin fıddî Osmânî akçeyi merkūm Mehmed Çelebi yedinden bi’t-tamâm ahz u kabz eyledim. Ba‘de’l-yevm ta‘yîn olunan icâresin cânib-i vakfa edâ edip sâir emsâli gibi mutasarrıf olsun dedikde mütevellî-i merkūm Hasan Bey’i ikrâr-ı meşrûhunda müste’cir-i merkūm Mehmed Çelebi vicâhen tasdîk ve şifâhen tahkīk edicek mâ-vaka‘a bi’t-taleb ketb olundu. Fi’t-târîhi’l-mezbûr. Şühûdü’l-hâl: es-Sâbıkūn