Evkaf-ı Hümâyûn Müfettişliği 1 Numaralı Sicil (H. 1016-1035 / M. 1608-1626) cilt: 45, sayfa: 282 Hüküm no: 225 Orijinal metin no: [73a-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Bey’in bi’l-istiğlâl yoluyla Haremeyn Vakfı’ndan ödünç aldığı Mahmiye-i Kostantıniyye’de Şehremini nâm mevzi‘ kurbünde Erikli? mahallesi sükkânından bevvâb-ı sultânî Ahmed Bey b. Aydın meclis-i şer‘a hâzır olup mahalle-i mezbûrede vâki‘, bir tarafından Cemile Hatun bt. ( ) mülkü, bir tarafından bâyi‘-i mezkûr mülkü, iki tarafından tarîk-ı âm ile mahdûd menzilini cümle tevâbi‘ ve levâhıkı ile râyicü’l-vakt kırk bin akçe semen-i mu‘ayyen-i makbûzla Haremeyn-i şerîfeyn vakfı mütevellîsi bevvâb-ı sultânî hâmil-i hâze’l-kitâb Veli Bey b. Abdullah’a bey‘ ettiğini ikrâr ve i‘tirâf eyledi. O dahî vakıf malıyla ve istiğlâl maksadıyla kendisinden iştirâ eyledi. Mütevellî-i mezbûr bâyi‘-i mezkûrun isticârı üzere menzil-i mesfûru zeylde mezkûr tarihden itibaren bir sene tamâmına dört bin akçeye icâreye verdi. Vâki‘ ikrâr mütevellî-i mezbûr tarafından vicâhen ve şifâhen tasdîk edildi. Şühûdü’l-hâl: Mehmed Efendi b. el-müezzin, Ali Çelebi b. el-bevvâb, Mustafa Efendi el-müderris, Hasan Beşe er-râcil ve gayrühüm mine’l-hâzırîn