Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 94 Hüküm no: 8 Orijinal metin no: [2a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Âişe Hatun bt. Mustafa’nın câriyesini âzat ettiği Dârü’l-hilâfeti’l-aliyye Kostantıniyye el-mahmiyye mahallâtından merhûm Şeyh Muhyiddin Kocavî mahallesi sâkinelerinden Âişe Hâtun bt. Mustafa meclis-i şer‘-i şerîf-i Ahmedî ve mahfil-i dîn-i münîf-i Muhammedî’de ikrâr ve takrîr-i kelâm edip bana rıkkıyyetini mu‘terif olan işbu orta boylu, açık sarı kaşlı, gök elâ gözlü Lehiyyetü’l-asl bâ‘iset-i hâze’l-kitâb Kâmile bt. Abdullah nâm câriye-i memlûkemi hasbeten lillâhi te‘âlâ ve taleben li merzâti’r-Rabbi’l-a‘lâ tahrîr ve i‘tâk ve zümre-i harâir-i asliyyâta ilhâk eyledim, ba‘de’l-yevm mevsûfe-i mezbûre Kâmile sâir harâir-i asliyyât gibi hürre olup mevâlî için sâbit olan hakk-ı velâ-i şer‘îden üzerinde hakkım kalmadı dedikde mâ hüve’l-vâki‘ bi’l-ibtigā ketb ve imlâ olundu. Fi’l-yevmi’l-hâmis ve’l-ışrîn min şehri Rebî‘ilâhir li sene seb‘a ve seb‘în ve elf. Şuhûdü’l-hâl: Arabacı el-Hâc Davud, Sarrâc İsa Beşe, Sefer Çelebi, navluncu Hasan Beşe, Mehmed Çelebi b. Abdullah Kethüdâ-yı muhzırân, Şükrullah Bey b. Mustafa.