Evkaf-ı Hümâyûn Müfettişliği 1 Numaralı Sicil (H. 1016-1035 / M. 1608-1626) cilt: 45, sayfa: 463 Hüküm no: 412 Orijinal metin no: [131b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Dizdariye mahallesindeki evin Haremeyn Vakfı’nca kiraya verilmesi Mütevellî-i mezbûr Ömer Ağa meclis-i şer‘de Hüseyin b. Abdullah ve Zamane bt. Abdullah mahzarında ikrâr edip vâkıf-ı mezbûrun vakfı olup yine mahalle-i mezbûrede lede’l-ahâlî hudûdu ma‘lûm olup bir beyt-i ulvî ve süflî ve kenîfi müştemil menzilini vech-i muharrer üzere vakf ve şart edip meşrûtün-lehüm münkarız olmağla müzâyede olundukda ayda yirmi beşer akçe icâre-i müeccele ve dört bin akçe icâre-i mu‘accelede mezbûrân üzerinde karâr etmeğin ben dahi îcâr edip tasarrufuna izin verdim dedikde gıbbe’t-tasdîk kayd şüd. Fi’t-târîhi’l-mezbûr. Şühûdü’l-hâl: es-Sâbıkūn.