Evkaf-ı Hümâyûn Müfettişliği 1 Numaralı Sicil (H. 1016-1035 / M. 1608-1626) cilt: 45, sayfa: 463 Hüküm no: 414 Orijinal metin no: [131b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Dizdariye mahallesindeki evin Haremeyn Vakfı’nca kiraya verilmesi Mütevellî-i mezbûr Ömer Ağa Abdurrahman Bey b. Ahmed mahzarında ikrâr edip mahalle-i mezbûrede vâki‘ kezâlik merhûm Hüsrev Çavuş’un Medîne-i Münevvere fukarâsına vakf ettiği bir menzili dahi dört bin akçe icâre-i mu‘accele ve yevmî bir akçe ücret-i müeccele ile mezbûr Abdurrahman Bey’e îcâr edip ol dahi vech-i muharrer üzere istîcâr ve kabûl eyledikden sonra meblağ-ı mezbûr dört bin akçeyi yedinden ahz edip tasarrufuna izin verdim dedikde gıbbe’t-tasdîk mâ-vaka‘a bi’t-taleb kayd şüd. Hurrire fi’t-târîhi’l-mezbûr. Şühûdü’l-hâl: es-Sâbıkūn.