Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 145 Hüküm no: 90 Orijinal metin no: [12b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Âişe bt. Hamza’nın, Abdi Beşe b. Mehmed’den muhâlaa yoluyla boşandığı Mahmiye-i İstanbul’da Şeyh Resmî mahallesinde sâkine Âişe bt. Hamza nâm hâtun meclis-i şer‘-i hatîrde işbu bâ‘isü’l-kitâb zevc-i dâhilün-bihâsı Abdi Beşe b. Mehmed nâm kimesne mahzarında ikrâr ve takrîr-i kelâm edip mezbûr Abdi Beşe zimmetinde mütekarrir ve ma‘kūdun-aleyh olan iki bin akçe mehr-i müeccelim ve nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olmak üzre mezbûr Abdi Beşe ile muhâla‘a-i sahîha-i şer‘iyye ile muhâla‘a edip ol dahi hul‘-ı mezbûru kabûl eyledikden sonra zevciyyete müte‘allika da‘vâdan her birimiz âharın zimmetini ibrâ ve iskāt eyledik dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’l-âşir min Cemâziyelevvel li sene 1077. Şuhûdü’l-hâl: Mehmed Beşe b. Abdullah, Hüseyin b. Sinan, Şükrullah Bey b. Mustafa, Mustafa Efendi b. Ahmed.