Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 151 Hüküm no: 100 Orijinal metin no: [14a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed Beşe b. Receb’in Abdullah Beşe b. Mustafa’ya açtığı yaralama davasını ispat edemediği Mahmiye-i İstanbul’da Edirnekapısı dâhilinde Mihrimah Sultan câmi‘-i şerîfi kurbunda sâkin Ahmed Beşe b. Receb nâm kimesne mahfil-i kazâda işbu bâ‘isü’l-kitâb Abdullah Beşe b. Mustafa nâm kimesne mahzarında üzerine da‘vâ ve takrîr-i kelâm edip târih-i kitâbdan iki gün mukaddem mezbûr câmi‘-i şerîfin havlusunda vakt-i işâda mezbûr Abdullah Beşe bir kara saplı bıçak ile sol memem üstünü darb edip beni mecrûh eylemişdir, suâl olunup takrîri tahrîr ve mûceb-i şer‘îsi icrâ olunmak matlûbumdur dedikde gıbbe’s-suâl ve akībe’l-inkâr müdde‘î-i mezbûrdan müdde‘âsını mübeyyine beyyine taleb olundukda ityân-ı beyyineden izhâr-ı acz edip istihlâf etmeğin mezbûr Abdullah Beşe’ye yemîn teklîf olundukda ol dahi alâ vefki’l-mes’ûl yemîn billâhi’l-aliyyi’l-a‘lâ etmeğin müdde‘î-i mezbûr bî-vech mu‘ârazadan men‘ birle mâ vaka‘a bi’t-taleb ketb olundu. Fi’l-yevmi’l-âşir min Cemâziyelevvel li sene seb‘a ve seb‘în ve elf. Şuhûdü’l-hâl: Mustafa b. Müstakīm, İbrahim Çavuş b. ( ), Hüseyin Beşe b. Abdullah el-Mübâşir, Mehmed Halîfe b. Mustafa.