Eyüb Mahkemesi (Havass-ı Refia) 3 Numaralı Sicil (H. 993 - 995 / M. 1585 - 1587) cilt: 22, sayfa: 158 Hüküm no: 236 Orijinal metin no: [25b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Âişe bt. Mustafa’nın Kara Hasan b. Ali’deki alacağını talep ettiği ve ödemesine hükmedildiği Câmi‘-i Şerîf mahallesinde sâkine Âişe bt. Mustafa yine mahalle-i merkūmeden Kara Hasan b. Ali nâm kimesneyi mahfil-i kazâya ihzâr ve bi’l-muvâcehe takrîr-i da‘vâ kılıp karzdan mezbûr Hasan’da bin akçe hakkım var taleb ederim dedikde gıbbe’s-suâl mezbûr Hasan bi’t-tav‘ ikrâr edip bin akçe deynim vardır lâkin on miskāl bir çift altın bileziğim rehindir dedikde mezbûre hâtun bir cibâyet berâtından gayrı nesne yokdur ancak rehin olan berâtdır dedikde husûs-ı mezbûra mübâşir olan Dergâh-ı âlî çavuşlarından Rüstem Çavuş mübâşeretiyle ikrârı mûcebince mezbûrdan bin akçe hükm olunup gıbbe’t-taleb kayd-ı sicil olundu. Şuhûdü’l-hâl: Hasan b. Hüseyin, Mehmed Çelebi el-Kâtib bi’l-beytülmâl, Bâli b. Hüseyin, Mustafa b. Muharrem, Mustafa b. Yusuf, Kenan ve gayr