Eyüb Mahkemesi (Havass-ı Refia) 3 Numaralı Sicil (H. 993 - 995 / M. 1585 - 1587) cilt: 22, sayfa: 158 Hüküm no: 237 Orijinal metin no: [25b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Süleyman b. Abdullah’ın Hamza b. Sefer’den satın aldığı câriyeyi ayıbı nedeniyle iâde ettiği ve bedelinden bir kısmını alıp kalanını talep ettiği Süleyman b. Abdullah, Hamza b. Sefer nâm kimesneyi mahfil-i kazâya ihzâr ve bi’l-muvâcehe takrîr-i da‘vâ kılıp bundan akdem mezbûr Hamza’dan beş bin akçeye bir câriye alıp zikr olunan câriyenin ayb-ı şer‘îsi zâhir olup yine merkūm Hamza’ya reddolunmuş idi. Meblağ-ı merkūmdan dört bin yedi yüz akçesin aldım ve zimmetinde üç yüz akçe hakkım kaldı taleb ederim dedikde mezbûr Hamza vâkı‘â mesfûr Süleyman’a dört bin dokuz yüz akçeye bir câriye bey‘ eyledim yine reddolundu, bi’t-tamâm dört bin dokuz yüz akçeyi yine teslîm eyledim dedikde beyyine taleb olunup bi’t-tamâm teslîmine beyyineden âciz olup mezbûr Süleyman dört bin dokuz yüz akçeyi bi’t-tamâm almadığına yemîn teklîf edip ba‘de’l-half ikrârı mûcebince iki yüz akçe hükm olunup mâ vaka‘a bi’t-taleb kayd-ı sicil olundu. Tahr[îren] ( ) Şuhûdü’l-hâl: Mustafa b. Hasan, Bâli b. Hüseyin, Mustafa b. Muharrem, Kenan