Eyüb Mahkemesi (Havass-ı Refia) 3 Numaralı Sicil (H. 993 - 995 / M. 1585 - 1587) cilt: 22, sayfa: 159 Hüküm no: 239 Orijinal metin no: [26a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hacı Ali b. Ahmed’in köydeki mülkünü Memi b. Malkoç’a sattığı Havâss-ı Kostantıniyye müzâfâtından karye-i İnceğiz’de sâkin el-Hâc Ali b. Ahmed nâm kimesne mahfil-i kazâda işbu bâ‘isü’l-hurûf Memi b. Malkoç mahzarında ikrâ[r] ve i‘tirâf edip karye-i mezbûrede vâki‘ bir tarafı Süleyman mülküne ve bir tarafı Zülfikār mülküne ve bir tarafı Hasan Yeniçeri mülküne ve taraf-ı âharı tarîk-i âma müntehî olan iki çatma evimi bir sundurmasıyla ve iki havlu içinde bir mikdâr üzüm çubuğuyla ve kenîfiyle mülkümü mezbûr Memi’ye üç bin râyicü’l-vakt akçeye bey‘-i bât ile bey‘ edip teslîm-i mebî‘ eyledim dedikde mukırr-ı mezbûru ikrâr-ı meşrûhunda mukarrun lehü’l-merkūm vicâhen ve şifâhen tasdîk edip mâ vaka‘a bi’t-taleb kayd-ı sicil olundu. Şuhûdü’l-hâl: Mustafa b. Hızır, Kurd b. Mustafa, Hasan b. Himmet, Yusuf b. Sinan, Mustafa b. Yusuf ve gayr