Eyüb Mahkemesi (Havass-ı Refia) 3 Numaralı Sicil (H. 993 - 995 / M. 1585 - 1587) cilt: 22, sayfa: 159 Hüküm no: 238 Orijinal metin no: [26a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İbrahim b. Abdullah’ın Yorgi v. Dino’ya fi‘l-i şenî kastıyla bıçağıyla vurup yaraladığı Budur ki, medîne-i Ebâ Eyyûb el-Ensârî bostancılarından Yorgi v. Dino nâm emred oğlan mahmiye-i Kostantıniyye sâkinlerinden İbrahim b. Abdullah nâm kimesneyi meclis-i şer‘-i şerîfe ihzâr ve mahzarında takrîr-i da‘vâ eyledi ki mezbûr İbrahim bana fi‘l-i şenî‘ eylemek istedikde beni bıçağıyla urup mecrûh eylemişdir şer‘le görülmesin taleb ederim dedikde gıbbe’s-suâl ve ba‘de’l-inkâr müdde‘î-i merkūmdan da‘vâsına mutâbık beyyine taleb olundukda udûl-i müslimînden Mustafa b. Abdullah ve Mehmed b. Abdullah nâm kimesneler fi’l-vâki‘ mezbûr İbrahim iki nefer sarhoş yoldaşlarıyla Eyübkapısı hâricinde merkūm oğlana fi‘l-i şenî‘ eylemek istediklerinde feryâd eylediği ecilden bıçağıyla mezbûr İbrahim gulâm-ı merkūmu urup mecrûh eyledi deyû edâ-i şehâdet-i şer‘iyye eylediklerinde gıbbe’t-taleb kayd-ı sicil olundu. Fî evâili Rebî‘ilâhir sene 994. Şuhûdü’l-hâl: Fahrü’l-kuzât Mevlânâ Abdi Çelebi b. Abdurrahman, Mahmud Çelebi el-Müsta‘id, Hasan Halîfe el-Müsta‘id, Hüseyin b. Abdullah ve gayr