Eyüb Mahkemesi (Havass-ı Refia) 3 Numaralı Sicil (H. 993 - 995 / M. 1585 - 1587) cilt: 22, sayfa: 163 Hüküm no: 246 Orijinal metin no: [27a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Lâlezar Hâtun bt. Abdullah’ın bağını Mustafa Çavuş b. Abdullah’a sattığı Lâlezâr Hâtun bt. Abdullah tağyîr ve tahrîfden korunmuş olan meclis-i şer‘-i şerîf ve mahfil-i dîn-i münîfde ikrâr edip kendisine âid mülkü olan Havâss-ı dârü’s-saltanati’s-seniyye Kostantıniyye el-mahmiyye tevâbi‘inden Bojdar köyünde vâki‘ Bohor ez-zimmî kürûmu ve Akşeye ez-zimmiye kürûmu ve Petri kürûmu ve Çulha deyû tanınan zimmînin kürûmu ile mahdûd olan cemî‘ kürûmunu bi-cümleti’l-hudûd ve kâffeti’l-hukūk mikdârı fıddî râyic fi’l-vakt sekiz yüz akçe semen-i mu‘ayyen-i makbûza işbu hâmil-i hâze’l-kitâb kıdvetü’l-emâsil ve’l-akrân Mustafa Çavuş b. Abdullah’a bey‘ ettikde ol dahi tarafeynden îcâb ve kabûl ile teslîm ve tesellümü müştemil bey‘ ve ibtiyâ‘-ı bâtteyn-i sahîhayn-i şer‘iyyeyn ile andan satın aldıkda ikrâr-ı sahîh-i şer‘î müşteri’l-mûmâ-ileyh kıbelinden kaziyye-i mahkiyeyi tasdîke vekîl-i şer‘î olup vekâleti şer‘an tarîk-i sübût ile sâbit olan Mehmed b. Yusuf tarafından tasdîk olunmağın [kayd olundu]. Şuhûdü’l-hâl: Musa b. Yusuf, Yusuf b. Musa, Sefer Halîfe el-İmâm, Mustafa b. İvaz, Bayram b. Yusuf, Bâli b. Hüseyin ve gayr-