Eyüb Mahkemesi (Havass-ı Refia) 3 Numaralı Sicil (H. 993 - 995 / M. 1585 - 1587) cilt: 22, sayfa: 164 Hüküm no: 247 Orijinal metin no: [27a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yani v. Yorgi’nin evini Mehmed Bey Vakfı’na istiğlâl yoluyla sattığı Yani v. Yorgi ikrâr edip kendisine âid mülkü olan Dârü’n-nasr ve’l-izz Kostantıniyye el-mahmiyye mahallâtından merhûm Sultan Selim Hân -aleyhi’r-rahmetü ve’l-gufrân- Câmi‘i yakīnlerındeki Nişancı mahallesinde vâki‘ büyût-ı müte‘addideyi muhtevî Nikola v. Yani mülkü ve Dimitri mülkü ve kilise ve tarîk-i âm ile mahdûd cemî‘ menzilini bi-cümleti’l-hudûd ve kâffeti’l-hukūk mikdârı fıddî râyic fi’l-vakt üç bin akçe olan semen-i mu‘ayyen-i makbûza hâmil-i hâze’l-kitâb merhûm Mehmed Bey vakfı’na mütevellî olan Sefer Halîfe b. [Mehmed]’e bey‘-i sahîh-i şer‘î ile bey‘ etmeğin ol dahi vakf-ı mezbûr malı ile andan istiğlâlen iştirâ eyleyip tahliyye ve tekābuzdan sonra işbu kitâbın zeylindeki târihin Muharremü’l-harâmı gurresinden sene-i kâmile tamâmına değin müddet-i mezbûrede mikdârı üç yüz akçe olan mezbûrü’n-na‘t ücret-i mu‘ayyeneye istîcâr eyledikde mütevellî dahi ana îcâr etmeğin istîcâr ve îcâr-ı sahîhayn-i şer‘iyyeyn ve ikrâr-ı sarîh-i mer‘î mütevelli’l-mezbûr kıbelinden vicâhen ve şifâhen tasdîk olunmağın [kayd olundu]. Şuhûdü’l-hâl: El-a‘lâ?