Eyüb Mahkemesi (Havass-ı Refia) 3 Numaralı Sicil (H. 993 - 995 / M. 1585 - 1587) cilt: 22, sayfa: 164 Hüküm no: 248 Orijinal metin no: [27a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İbrahim b. Süleyman’ın Abdi b. Ahmed’den satın aldığı koyunların bedelinden yedi bin iki yüz yirmi akçe borcu olduğu Medîne-i Ebâ Eyyûb el-Ensârî -aleyhi rıdvânü’l-meliki’l-Bârî- kasablarından İbrahim b. Süleyman nâm kasab mahfil-i kazâda ve mahall-i irtizâda bâ‘is-i tahrîri sicil Abdi b. Ahmed mahzarında ikrâr ve i‘tirâf edip sâbıkan mezbûr Abdi’den her koyunu yetmiş akçeye olmak üzre yedi bin iki yüz yirmi râyic fi’l-vakt akçeye yüz üç re’s koyun iştirâ eyledim hâlâ dahi meblağ-ı mezbûr zimmetimde lâzımü’l-edâ ve vâcibü’l-kazâ deynimdir dedikde mukırr-ı merkūmu akvâl-i meşrûhasında merkūm Abdi vicâhen ve şifâhen tasdîk ve tahkīk eyledikde mâ vaka‘a vukū‘u üzre gıbbe’t-taleb kayd olundu. Şuhûdü’l-hâl: Mehmed b. Kulfalı, Yusuf b. Abdullah, Hacı Kenan b. Mustafa, Ali b. Abdullah, Bâli b. Hüseyin