Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 158 Hüküm no: 111 Orijinal metin no: [15a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sava v. Yorgi’nin meyhanesinin üçte birini Asani v. Dimitri’ye sattığı Kuyumcu tâifesinden olup mahrûse-i Galata mahallâtından Sultan Bayezid-i Cedîd mahallesi sükkânından olan Sava v. Yorgi nâm zimmî meclis-i şer‘-i şerîf-i şâmihü’l-imâd ve mahfil-i dîn-i münîf-i râsihü’l-evtâdda işbu bâ‘isü’s-sifr Asani v. Dimitri nâm zimmî muvâcehesinde bi’t-tav‘i’s-sâf ikrâr ve i‘tirâf edip bey‘-i âti’z-zikrin sudûruna değin sülüsân şâyi‘i benim ve sülüs-i şâyi‘-i Panayot v. ( ) nâm zimmînin mülkümüz olup mahrûse-i mezbûre hısnı ebvâbından Balıkpazarı kapısı dâhilinde Kürkçüler sûku tarafından vâki‘ iki tarafdan tarîk-i âm ve bir tarafdan kürkçü dükkânı ve bir tarafdan tavukçu dükkânları ile mahdûd Eşekçi Meyhânesi demekle ma‘rûf meyhâneden vech-i muharrer üzre olan sülüsân hissemin nısf-ı şâyi‘ini tarafeynden îcâb ve kabûlü hâvî şurût-ı müfsideden ârî bey‘-i bâtt-ı sahîh-i şer‘î ile dört yüz elli kıt‘a esedî guruş ile min haysi’l-keyfiyyeti ma‘lûme ve min haysi’l-kemiyyeti mechûle meclis-i akidde mevcûde ve müşârün-ileyhâ ve ba‘de’l-kabz mudika bir kabza fülûsa merkūm Asani’ye bey‘ ve teslîm edip ol dahi iştirâ ve kabûl ve tesellüm eyledikden sonra semen-i mezkûru tamâmen yedinden alıp kabz eyledim ba‘de’l-yevm zikr olunan meyhânenin sülüs-i şâyi‘i benim ve sülüs-i şâyi‘i merkūm Panayot’un ve sülüs-i şâyi‘i merkūm Asani’nin mülk-i müşterâsı olmuşdur keyfe mâ yeşâ’ ve yahtâr mutasarrıf olsun dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’l-hâmis-i aşer min Cemâziyelevvel li sene 1077. Şuhûdü’l-hâl: Halil Beşe b. Mustafa, Ahmed Çelebi b. el-Hâc Kadri, Şükrullah Bey b. Mustafa, Abdi Çelebi b. Hüseyin, Gazanfer Bey b. Tevekkül, Resul b. Rıdvan, Yanaki v. Dimitri, Palaki v. Dimitri, Yakomi v. Yani, Yorgi v. ( ).