Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 158 Hüküm no: 110 Orijinal metin no: [15a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Bedri bt. Mustafa’nın, Mehmed b. Abdullah’tan muhâlaa yoluyla boşandığı Mahmiye-i İstanbul’da Şehremîni mahallesinde sâkine Bedri bt. Mustafa nâm hâtun meclis-i şer‘-i hatîrde zevci işbu râfi‘ü’l-kitâb Mehmed b. Abdullah nâm kimesne mahzarında ikrâr ve takrîr-i kelâm edip zevcim merkūm Mehmed zimmetinde mütekarrir ve ma‘kūdun-aleyh olan beş yüz akçe mehr-i müeccelim ve nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olmak üzre merkūm Mehmed ile muhâla‘a-i sahîha-i şer‘iyye ile muhâla‘a edip ol dahi hul‘-ı merkūmu kabûl eyledikden sonra zevciyyete müte‘allika da‘vâdan her birimiz âharın zimmetini ibrâ-i âmm-ı kātı‘ü’n-nizâ‘ ile ibrâ ve iskāt eyledik dedikde gıbbe’t-tasdîk mâ vaka‘a bi’t-taleb ketb olundu. Fi’l-yevmi’s-sâlis aşer min Cemâziyelevvel li sene 1077. Şuhûdü’l-hâl: Hasan Çelebi b. Ahmed, Resul b. Rıdvan, Mehmed b. Ramazan, Mustafa b. Mehmed.