Eyüb Mahkemesi (Havass-ı Refia) 3 Numaralı Sicil (H. 993 - 995 / M. 1585 - 1587) cilt: 22, sayfa: 179 Hüküm no: 279 Orijinal metin no: [30a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Pîrî Paşa Vakfı’na ait hamamın mütevellî tarafından hamamcı Süleyman b. Abdullah’a kiralandığı Merhûm Pîrî Paşa vakfı’na kāimmakām-ı mütevellî olan Mehmed b. Mustafa meclis-i şer‘-i şerîfde ikrâr edip vakf-ı merkūmdan olup medîne-i Ebâ Eyyûb el-Ensârî -aleyhi rıdvânü’l-meliki’l-Bârî- tevâbi‘inden Hasköy karyesinde vâki‘ cemî‘ hamamı zeyl-i kitâb târihi şehr-i Rebî‘ilâhir gurresinden sene-i kâmileye değin bu müddet için mikdârı fıddî râyic fi’l-vakt altı bin akçe olan ücret-i mu‘ayyeneye ve her ayın kirâsını o ayın sonunda ödemek üzre hâmil-i hâze’l-kitâb Süleyman b. Abdullah el-Hammâmî’ye îcâr etmeğin ol dahi andan istîcâr ettikde îcâr ve istîcâr-ı sahîhayn-i şer‘iyyeyn ve ikrâr ve i‘tirâf-ı sarîh-i mer‘iyyeyn anın kıbelinden vicâhen ve şifâhen tasdîk olundukdan sonra derkine ve ücretine karye-i mezbûreden Mehmed b. Mustafa emr ve kabûlü hâviye kefâlet ile kefîl olmağın [kayd olundu]. Şuhûdü’l-hâl: Mevlânâ Halil Çelebi Efendi el-Müderris, Ali Çelebi b. Balaban, Bâli b. Hüseyin, el-Hâc Kenan b. Mustafa, Mustafa b. Ömer