Eyüb Mahkemesi (Havass-ı Refia) 3 Numaralı Sicil (H. 993 - 995 / M. 1585 - 1587) cilt: 22, sayfa: 186 Hüküm no: 288 Orijinal metin no: [31b-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hasan b. Nasuh’un evini Hayreddin Vakfı’na istiğlâl yoluyla sattığı Hasan b. Nasuh meclis-i şer‘-i şerîfde ikrâr etti ki kendisine âid mülkü olan medîne-i Ebâ Eyyûb el-Ensârî -aleyhi rıdvânü’l-meliki’l-Bârî- mahallâtından Davud Ağa mahallesinde vâki‘ üç beyt-i süflîyi ve bir odayı ve altında matbahı ve bir başka oda ile altında ahırı ve su kuyusunu ve kenîfi ve muhavvatayı muhtevî Aynî Hâtun ve Âişe ve Şaban mülkü ve Ali Çelebi ve Sinan ve Kamer Hâtun mülkü ve tarafeynden tarîk-i âm ile mahdûd olan cemî‘ menzilini bi-cümleti’l-hudûd ve kâffeti’l-hukūk mikdârı fıddî râyic fi’l-vakt altı bin akçe semen-i mu‘ayyen-i makbûza hâmil-i hâze’l-kitâb Hayreddin vakfı’na mütevellî olan Ali b. Nasuh’a bey‘-i sahîh-i şer‘î ile bey‘ etmeğin ol dahi andan vakf-ı mezbûrun malı ile istiğlâlen iştirâ edip tahliyye ve tekābuzdan sonra işbu kitâbın zeylindeki târih şehri gurresinden sene-i kâmile tamâmına değin müddet-i mezbûrede mikdârı mezbûrü’n-na‘t altı yüz akçe olan ücret-i mu‘ayyeneye istîcâr eyledikde mütevellî dahi ana îcâr etmeğin istîcâr ve îcâr-ı sahîhayn-i şer‘iyyeyn ve ikrâr-ı sarîh-i mer‘î mütevelli’l-mezbûr kıbelinden vicâhen ve şifâhen tasdîk olunup derkine ve ücretine Pervâne b. Abdullah Otağī ve Cafer b. Abdullah el-Kadrî ve Emrullah b. Cafer el-Kadrî emr ve kabûlü hâviye kefâlet ile kefîl olmağın [kayd olundu]. Cerâ zâlike ve hurrire fî evâili Rebî‘ilâhir sene 994. Şuhûdü’l-hâl: Sefer Halîfe b. Mehmed el-İmâm, Hayreddin b. Ömer, el-Hâc Bedreddin b. Bâli, İdris b. Mehmed, Osman b. Timur, Hüsam Halîfe b. Abdurrahman, Sefer b. Beyaz, Hızır b. Abdullah, Süleyman b. Güçeri [el]-İmâm, Mustafa b. Abdullah el-Müezzin