Eyüb Mahkemesi (Havass-ı Refia) 3 Numaralı Sicil (H. 993 - 995 / M. 1585 - 1587) cilt: 22, sayfa: 189 Hüküm no: 295 Orijinal metin no: [32a-5, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Seyyid el-Mâlik b. Ahmed’in evini Şeyh Mahmud Vakfı’na istiğlâl yoluyla sattığı Medîne-i Ebâ Eyyûb el-Ensârî mahallâtından Şeyh Mahmud mahallesinde sâkin Seyyid el-Mâlik b. Ahmed meclis-i şer‘-i şerîfde ikrâr etti ki kendisine âid mülkü olan mahalle-i mezbûrede vâki‘ altı beyt-i süflîyi üç beyt-i ulvîyi ve iki ahırı ve su kuyusunu ve cüneyneyi muhtevî mekābir-i müslimîn ve Seydî Ahmed mescidi ve tarafeynden tarîk-i âm ile mahdûd olan cemî‘ menzilini mikdârı fıddî râyic fi’l-vakt on beş bin akçe semen-i mu‘ayyen-i makbûza hâmil-i hâze’l-kitâb Şeyh Mahmud vakfı’na mütevellî olan Hüseyin b. Abdurrahman’a bey‘-i sahîh-i şer‘î ile bey‘ etmeğin ol dahi andan vakf-ı mezbûrun malı ile istiğlâlen iştirâ ettikden sonra ba‘de’t-tahliyye ve’t-tekābuz işbu kitâbın zeylindeki târih şehri gurresinden sene-i kâmile tamâmına değin müddet-i mezbûrede mikdârı mezbûrü’n-na‘t bin sekiz yüz yetmiş beş akçe ücret-i mu‘ayyeneye istîcâr eyledikde mütevellî dahi ana îcâr etmeğin istîcâr ve îcâr [tasdîk olunup] derkine zevcesi Fâtıma bt. Mustafa Çelebi ve Ahmed b. Abdullah ve Mehmed b. Abdullah emr ve kabûlü hâviye kefâlet ile kefîl olmağın [kayd olundu]. Şuhûdü’l-hâl: Muslu Çelebi el-İmâm, Ali b. Hızır el-İmâm, Sefer Halîfe el-İmâm, Ali b. Nasu[h], Emrullah b. Mehmed, Hacı Mehmed [b.] Ali, Mustafa [b.] İsâ