Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 79 Hüküm no: 26 Orijinal metin no: [5b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Dimitri v. Kosta ve Aleksi v. Lambernoz’un Vezir Cafer Paşa Vakfı’ndan ödünç aldıkları Balat kurbunda vâki‘ Ohri mahallesi sükkânından Dimitri v. Kosta ve Aleksi v. Lambernoz nâm zimmîler meclis-i şer‘-i şerîf ve mahfil-i dîn-i münîfde -el-masûn ani’t-tağyîr ve’t-tahrîf- hâzırân olup üzerlerinde ve zimmetlerinde medîne-i Ebâ Eyyûb el-Ensârî’de -radiye anhu Rabbühü’l-Bârî- vâki‘ merhûm Vezir Cafer Paşa vakfı malından, mütevellîsi hâfız-ı hâze’l-kitâb fahrü’l-akrân Ali Ağa b. Abdülmennân mu‘âmelesi ile râyicü’l-vakt on iki bin akçe-i Osmânî borçları olduğunu ikrâr ve i‘tirâf ettiler. Bunun on bin akçesi karz-ı şer‘îden, bâkiyesi ise müşterâ-yı makbûz çuka bahâsındandır. Karz dışındaki meblağ 1027 senesi Muharrem-i harâmı gurresinden iki sene tamâmına müecceldir. Dâyin-i mûmâ-ileyh mukırrân-ı mezbûrânın vâki‘ ikrârlarını vicâhen ve şifâhen tasdîk etti cemî‘-i meblağ-ı mezbûr için mukırrân-ı mezbûrânın her biri diğerinin zimmetine kefîl oldu. Mahalle-i mezbûrede sâkin olan bevvâb-ı sultânî Ahmed Bey b. Abdullah nâm kimesne de îcâb ve kabûlü hâvî kefâletle ikisine kefîl oldu. Cerâ zâlike ve hurrire fi’l-yevmi’s-sâlis min Saferi’l-hayr sene tis‘a ve ışrîn ve elf. Şuhûdü’l-hâl: Ahmed Efendi b. Abdullah el-Müsta‘id, Abdurrahman Halîfe b. Abdullah el-İmâm, Mustafa b. Osman el-Câbî, Keyvan b. Abdullah el-Câbî, Ali b. Abdullah, Mehmed b. Cafer, Mehmed b. Mustafa, Ali b. Abdullah, el-Hâc Turgud b. Durak, Perviz b. Abdullah