Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 117 Hüküm no: 84 Orijinal metin no: [13b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İsmihân Hâtun bt. Muslihiddin’in evini Mehmed Bey Vakfı’na istiğlâl yoluyla sattığı Mahmiye-i Kostantıniyye mahallâtından Keçeci Pîrî mahallesinde sâkine olan İsmihân Hâtun bt. Muslihiddin nâm hâtun âtiyyü’z-zikr menzilini merhûm Mehmed Bey vakfı’na mütevellî olan hâmil-i hâze’l-kitâb Sinan Halîfe b. Mustafa’ya bey‘ ettiğini ikrâr ve i‘tirâf etti. Mütevellî-i mezbûr da vakf-ı mezbûr malıyla ve istiğlâl için mezbûre İsmihân Hâtun’un işbu akdin sudûruna kadar sâhibi ve mâliki olduğu elinde ve taht-ı tasarrufunda bulundurduğu mahalle-i mezbûrede kâin olup bir tarafdan Hüseyin Çelebi mülkü, diğer tarafdan Selime Hâtun mülkü, öbür tarafdan tellâl Pervâne Beşe mülkü ve diğer tarafdan da tarîk-i hâs ile mahdûd menzilini cümle tevâbi‘ ve levâhıkı ve kâffe-i menâfi‘ ve merâfıkı ile râyicü’l-vakt on bir bin akçe-i Osmânî semen-i mu‘ayyen-i makbûz ile andan iştirâ etti. Bâyi‘a-i mezbûrenin menzil-i merkūmu kirâlamak istemesi üzerine müşterî-yi mezbûr ba‘de’t-tahliyye ve’t-tekābuz, zeyilde mezkûr senenin gurre-i Muharrem-i harâmından üç sene tamâmına üç bin üç yüz akçe ücret-i kirâ mukābilinde menzil-i merkūmu icâreye verdi. Mütevellî-i mezbûr vâki‘ ikrârı vicâhen ve şifâhen tasdîk etti. Zevci Vâne Beşe b. Abdullah ve Ümmî Hâtun bt. Yakub’un her biri menzil-i mezbûrun derkine ve asl-ı meblağ-ı mezbûra ve ücret-i merkūmeye îcâb ve kabûlü hâvî kefâletle kefîl oldu. Cerâ zâlike ve hurrire fi’l-yevmi’l-hâdî aşer min Rebî‘ilevvel sene tis‘a ve ışrîn ba‘de’l-elf. Şuhûdü’l-hâl: Seyyid Pîrî Efendi b. Yusuf, İvaz Halîfe b. Sefer, Veli Halîfe b. Alemşah, Murtaza Halîfe b. Mehmed, Abdi Çelebi b. Hayreddin, Hüseyin Çelebi b. Cündî, Mustafa b. Yusuf, Süleyman b. Turgud