Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 171 Hüküm no: 132 Orijinal metin no: [18a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hacı Mehmed b. Ali’nin, Derviş Mehmed’deki kereste bedelinden alacağını taksitlendirdiği Keresteci tâifesinden Hacı Mehmed b. Ali nâm kimesne meclis-i şer‘de mahmiye-i İstanbul’da Nişancı Paşa-yı Atîk mahallesinde sâkin Derviş Mehmed b. Yusuf nâm şâbb-ı emred mahzarında ikrâr ve takrîr-i kelâm edip merkūm Derviş Mehmed zimmetinde yedimden müşterâ ve makbûz vasfı beynimizde ma‘lûm kereste semeninden ba‘de külli hesâb üç bin akçe hakkım olup merkūm Derviş Mehmed meblağ-ı mezkûru def‘aten edâya iktidârı olmayıp taksîte tâlib olmağın her otuz günde bana fıddî râyic fi’l-vakt akçe vermek üzre târih-i kitâbdan dört yüz elli gün tamâmına değin taksît edip ol dahi kabûl ve meblağ-ı mezbûru vech-i meşrûh üzre edâya ta‘ahhüd eyledi dedikde gıbbe’t-tasdîki’l-mu‘teber mâ vaka‘a bi’t-taleb ketb olundu. Fî 15 min Cumâdelûlâ sene [10]77. Şuhûdü’l-hâl: İbrahim Çelebi b. Ahmed, Hasan Çelebi b. Ahmed, Mehmed b. Ramazan, Resul b. Rıdvan.