Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 160 Hüküm no: 145 Orijinal metin no: [23b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ayşe Hâtun bt. Gazanfer’in kocası Mehmed Bey b. Hüseyin’i vasî tayin etmesi Medîne-i Ebâ Eyyûb-i Ensârî -râdiye anhu Rabbühü’l-Bârî- mahallâtından Evlice Baba mahallesi sâkinelerinden fahrü’l-muhadderât zahrü’l-muvakkarât Ayşe Hâtun bt. Gazanfer meclis-i şer‘-i hatîr-i lâzımü’t-tevkīrde işbu hâfız-ı hâze’l-kitâb zevci Mehmed Bey b. Hüseyin nâm cündî mahzarında bi’t-tav‘ ve’r-rızâ ikrâr ve takrîr-i kelâm edip vesâyâ-yı âtiyemi tenfîze zevcim mezbûr Mehmed Bey’i vasiyy-i muhtâr nasb ve ta‘yîn eyledim şöyle ki ecel-i mev‘ûd erişip irâdet-i Rabbânî ve emr-i Sübhânî ile âlem-i bî-vefâdan "yâ eyyetühe’n-nefsü’l-mutmainne irci‘î ilâ Rabbüke" fehvâ-yı şerîfince âlem-i bekā-yı bî-misâle rıhlet eylediğimde sülüs-i malımdan ifrâz edip zevcim mezbûr Mehmed Bey’e teslîm eylediğim altı bin akçenin üç bin akçesini vefâtım gününde techîz ve tekfînime ve telkīnime ve sâir levâzım-ı ma‘hûdeme ve bin akçesini üçümde ve iki bin akçesini dahi yedimde ve kırkımda ve yılımda tabh-ı ta‘âm edip vücûh-ı hayrâta harc ve sarf eyleye dedikde mezbûr Mehmed Bey minvâl-i muharrer üzre vesâyet-i merkūmeyi kabûl ve hizmet-i vesâyeti edâya müte‘ahhid olıcak mâ hüve’l-vâki‘ bi’t-taleb ketb olundu. Hurrire fi’l-yevmi’r-râbi‘ aşer min Rebî‘ilâhir li târihi’l-mezbûr. Şuhûdü’l-hâl: es-Sâbıkūn.