Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 172 Hüküm no: 163 Orijinal metin no: [26b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hacı Sinan b. Yahya’nın bazı emlâkini Hasan b. Ali’ye satması Vilâyet-i Rumeli’nde Avlonya sancağında Premedi kazâsına tâbi‘ Kinami nâm karye sükkânından el-Hâc Sinan b. Yahya meclis-i şer‘-i hatîr-i lâzımü’t-tevkīrde işbu hâmil-i hâze’l-kitâb Hasan b. Ali mahzarında bi’t-tav‘ ve’r-rızâ ikrâr ve takrîr-i kelâm edip karye-i mezbûrede vâki‘ bir tarafdan Karagöz mülküne ve bir tarafdan Ali Bey b. Yakub mülküne ve bir tarafdan Mustafa b. Ali mülküne ve bir tarafdan tarîk-i âma müntehî yurd yerimi ve karye-i merkūme sınırı dâhilinde mevâzi‘-i müteferrikada vâki‘ lede’l-ahâlî ve’l-cîrân ma‘lûmü’l-hudûd beş kıt‘a mülk bağımı ve bir kıt‘a mülk bostan yerimi cümle-i tevâbi‘ ve levâhıkı ve kâffe-i menâfi‘ ve merâfıkı ile mezbûr Hasan’a iki bin nakd-i fıddî-i Osmânî râyic fi’l-vakt akçeye bey‘-i bâtt-ı sahîh-i şer‘î ile bey‘ ve kabz-ı semen edip mebî‘ât-ı mahdûdeleri mahallinde kabza müşterî-i merkūmu taslît eyledim ba‘de’l-yevm sâlifü’l-beyân mebî‘ât merkūm Hasan’ın mülk-i müşterâ-yı sarîh[idir] keyfe mâ yeşâ ve hasbe mâ yürîd mutasarrıf olsun dedikde mukırr-ı mezbûrun vech-i mübeyyen üzre [cârî] olan ikrâr ve takrîrin el-mukarru lehü’l-merkūm Hasan tasdîk edicek mâ hüve’l-vâki‘ bi’t-taleb ketb olundu. Hurrire fi’l-yevmi’s-sâbi‘ ve’l-ışrîn min Rebî‘ilâhir li sene tis‘a ve ışrîn ba‘de’l-elf. Şuhûdü’l-hâl: Mehmed Beşe b. Hasan er-Râcil, Ali Beşe b. Hüseyin er-Râcil, Yakub Bey b. Mehmed el-Cündî Ahmed b. Mustafa, Ali b. (…).