Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 211 Hüküm no: 219 Orijinal metin no: [32b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed b. Nasuh’un Hatice Hâtun Vakfı’na mütevelli olarak tayin olunması Medîne-i Ebâ Eyyûb el-Ensârî -râdiye anhu Rabbühü’l-Bârî-’de vâki‘ merhûm Hatice Hâtun vakfı’nın mütevellîsi olmamağla merhûme-i mûmâ-ileyhânın ba‘zı vakıfları harâbe müşrif ve dâsir olup vakf-ı mezbûrun üzerine bir hasbî mütevellî nasb ve ta‘yîn olunmak lâzım ve mühim olmağın işbu hâfızü’l-kitâb Mehmed b. Nasuh nâm kimesne hizmet-i tevliyyet uhdesinden gelmeğe kādir ve dindâr ve mütedeyyin olduğu ahâlî-i mahallesi ihbârıyla zâhir olmağın mezbûr Mehmed vakf-ı mezbûra hasbî mütevellî nasb ve ta‘yîn olunup işbu hurûf ber sebîli’t-temessük ketb ve imlâ olundu. Yed-i tâlibe def‘ ve vaz‘ olundu. Hurrire fî evâsıtı Cemâziyelevvel li sene tis‘a ve ışrîn ve elf. Şuhûdü’l-hâl: Mahmud Efendi b. Mehmed el-İmâm, eş-Şeyh Musa b. Atâullah, Ali b. Abdullah, Süleyman b. Turgud, Nasuh b. Abdullah, Süleyman b. Turgud, Mustafa b. Abdullah, Hüseyin b. Abdullah el-Müezzin, Mehmed b. Sinan, Ali b. Abdullah, Mustafa b. Mehmed ve [gayruhüm.]