Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 224 Hüküm no: 239 Orijinal metin no: [35b-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. El-Hâc Mahmud b. Ferhad’ın evini İlyas Çavuş Vakfı’na istiğlâl yoluyla sattığı Medîne-i Ebâ Eyyûb el-Ensârî -radiye anhu Rabbühü’l-Bârî- mahallâtından Câmi‘-i Kebîr mahallesi sükkânından el-Hâc Mahmud b. Ferhad nâm kimesne meclis-i şer‘-i şerîfde âtiyyü’z-zikr menzilini merhûm İlyas Çavuş vakfı’na mütevellî olan hâmil-i hâze’l-kitâb Mustafa b. Muzaffer’e bey‘ ettiğini ikrâr ve i‘tirâf etti. Mütevellî-i mezbûr da vakf-ı mezbûr malıyla ve istiğlâl için mezbûr el-Hâc Mahmud’un işbu akdin sudûruna kadar sâhibi ve mâliki olduğu elinde ve taht-ı tasarrufunda bulundurduğu mahalle-i mezbûrede vâki‘ olup bir tarafdan Osman Çelebi b. Mehmed mülkü, diğer tarafdan Hâce Sinan b. ( ) mülkü, iki tarafdan da tarîk-i âm ve tarîk-i hâs ile mahdûd olan menzilini cümle tevâbi‘ ve levâhıkı ve kâffe-i menâfi‘ ve merâfıkı ile râyicü’l-vakt beş bin akçe-i Osmânî semen-i mu‘ayyen-i makbûz ile iştirâ etti. Mezbûr el-Hâc Mahmud’un menzil-i merkūmu kirâlamak istemesi üzerine müşterî-yi mezbûr ba‘de’t-tahliyye ve’t-tekābuz, zeyl-i kitâbda mezkûr ayın gurresinden bir sene tamâmına altı yüz yirmi beş akçe ücret-i kirâ mukābilinde menzil-i merkūmu icâreye verdi. Mütevellî-i mezbûr vâki‘ ikrârı vicâhen ve şifâhen tasdîk etti. Sonra mukırr-ı mezbûrun karındaşı Mehmed b. Ferhad, menzil-i mezbûrun derkine ve ücret-i kirâya îcâb ve kabûlü hâvî kefâletle kefîl oldu. Cerâ zâlike ve hurrire fi’l-yevmi’s-sânî aşer min Cemâziyelâhir li târihi’l-mezbûr. Şuhûdü’l-hâl: El-Hâc Mustafa b. Veli, Sunullah Halîfe b. Siyâmi el-İmâm, Abdurrahman b. Hızır, Mehmed b. Yusuf, Mehmed b. Yakub el-Müezzin, Yakub b. Kurd, Perviz b. Abdullah, Abdurrahman b. Şeyh Musa ve gayruhüm mine’l-hâzırîn.