Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 178 Hüküm no: 145 Orijinal metin no: [19a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ümmühan bt. Mehmed’in, Mehmed Çelebi’den muhâlaa yoluyla boşandığı Mahmiye-i İstanbul’da Hacı Kadın mahallesinde sâkine işbu bâ‘isetü’l-kitâb Ümmühan bt. Mehmed nâm hâtun mahfil-i kazâda zevci es-Seyyid Mehmed Çelebi b. es-Seyyid Ahmed tarafından husûs-ı âti’l-beyâna vekîl olup es-Seyyid Abdullah Çelebi lisânından es-Seyyid İbrahim Çelebi b. Mehmed ve Hüseyin b. Ömer ve Hasan lisânından dahi mezbûrân es-Seyyid İbrahim Çelebi ve Hasan nâm kimesneler şehâdetleri ile şer‘an vekâleti sâbite olan es-Seyyid İbrahim Çelebi b. es-Seyyid Halil Çelebi mahzarında ikrâr ve takrîr-i kelâm edip müvekkil-i mezbûr es-Seyyid Mehmed Çelebi zimmetinde mütekarrir ve ma‘kūdun-aleyh olan üç bin akçe mehr-i müeccelim ve nafaka-i iddet-i ma‘lûmem ve me’ûnet-i süknâm üzerlerine vekîl-i mezbûr es-Seyyid İbrahim Çelebi ile muhâla‘a-i sahîha-i şer‘iyye ile muhâla‘a edip ol dahi bi’l-vekâle hul‘-ı mezbûru kabûl eyledikden sonra zevciyyete müte‘allika âmme-i da‘vâdan müvekkil-i mezbûrun zimmetini vekîl-i mezbûr dahi bi’l-vekâle benim zimmetimi ibrâ-i âmm-ı kātı‘ü’n-nizâ‘la ibrâ eyledik dedikde gıbbe’t-tasdîki’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’r-râbi‘ min Cumâdelûlâ li sene seb‘a ve seb‘în ve elf. Şuhûdü’l-hâl: Abdi Çelebi b. Receb, Şükrullah Bey b. Mustafa, İbrahim b. Mehmed, Abdi b. Hüseyin.