Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 180 Hüküm no: 148 Orijinal metin no: [19b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Ahmed Ağa b. Yakub’un para vakfına Ali Beşe b. Şaban’ın mütevelli tayin olduğu Sâbıkan koyun emîni olup Dârü’l-hilâfeti’l-aliyye Kostantıniyye el-mahmiyye mahallâtından Neslişah Sultan mahallesinde sâkin iken bundan akdem vefât eden Ahmed Ağa b. Yakub’un vakfiye-i ma‘mûlün-bihâsı nâtıka olduğu üzre vakfı olan iki bin kıt‘a esedî guruşa meşrûtiyyet üzre mütevellî olan sulbî oğlu Mehmed Çelebi sagīr olmağla edâ-i hizmet-i tevliyyet-i mezbûreye kādir olmayıp yerine bir kāimmakām nasb ve ta‘yîn olunmak lâzım olup sagīr-i mezbûrun üvey babası Ali Beşe b. Şaban her vechile mahal olmağın sagīr-i mezbûrun yerine edâ-i hizmet etmek için merkūm Ali Beşe taraf-ı şer‘-i şerîfden kāimmakām-ı mütevellî nasb ve ta‘yîn olunup ol dahi kabûl ve hizmet-i lâzımesini edâya ta‘ahhüd etmeğin mâ vaka‘a bi’t-taleb ketb olundu. Fi’l-yevmi’s-sâdis min Cumâdelûlâ li sene seb‘a ve seb‘în ve elf. Şuhûdü’l-hâl: Mustafa Efendi b. Ali el-İmâm, Mustafa Halîfe b. Mehmed el-Müezzin, el-Hâc Mustafa b. Osman, Abdi Efendi b. ( ) el-Müezzin.